An inkawmnaah hian Larsap chuan Pu Vanlalvawna chu ram tana palai \ha tak ni turin duhsakna a hlan a, Mizo kutchhuak, a bikin Handloom leh handicraft lam phochhuah a nih theih nan \an la turin Pu Vanlalvawna chu a chah a ni.
Pu Vanlalvawna chuan kumin a Azerbaijan khawpui Baku-ah Sorkar laipuia Commerce Department leh Indian Embassy \angkawpin The Best of India Show’ tih ‘Exhibition buatsaih tum a nih thu a sawi a, hetah hian ramchhunga kutthemthiam thil deh chhuah phochhuak turin exhibitor 70 vel sawm tum a nih thu sawiin Mizoram a\anga handloom leh handicraft a\anga thilsiam phochhuah a nih theih dan tur ngaihtuah a nih thu Larsap hi a hrilh bawk a ni.
Hemi hnu hian Pu Vanlalvawna hian Chief Minister Pu Zoramthanga leh Commerce & Industries Minister, Dr. R. Lalthangliana te chu an pisaah a hmu bawk a, External Affairs Minister hmalakna-in state hnufual bikte tihhmasawnna kawng khat atan Indian Ambassador ten India State chan bik neiin, an awmna ram \heuhah an State chante tan inphochhuahna remchang zawn sak turin Ambassador te chu beisei an ni tih a hrilh a, ram aiawha palaia a awmna tur Azerbaijan-ah chuan infiamna lam leh handloom lamah Mizo tan inphochhuahna remchang tak a awm thu a a hrilh bawk.
