Hemi puala inkhawm Assembly Annex Hall-a neih chu Cooperation Minister, Pu C. Lalrinsanga’n a hmanpui a, thusawiin Minister chuan Cooperation Department tum ber chu mipui nitin mamawh phuhruk a ni a ti a, an huam chin pawh a zauva, ranvulh avanga thlai thar thlengin Cooperation chuan a huam tih a sawi. Pawl hrang hrang hmalakna vanga Cooperation Movement hlawhtlinna hmuh tur a awm mek chu thil lawmawm tak a ni tih sawiin, Pu C. Lalrinsanga chuan, hetihrual hian Cooperation thil tum leh hmathlir hre lova cooperative movement-a inhmang an awm \hin chu thil inhmeh lo tak a ni a, Cooperative movement chu a \ha zawnga hman a nih chuan ram dinhmun chawisang theitu a ni a, ram sum leh pai dinhmun siam\hatna hmanraw \ha tak a nih theih avangin a hlutna hmuchhuak tura theihtawp chhuah a ngai tih a sawi.
Champhai Town Multipurpose Cooperative Society-in hnathawk \ha chawimawina an dawng thei chu a lawmpui tih sawiin, Cooperation Minister chuan, Society dangte pawh lawmman la thei tura \an la zel turin a chah a ni. He lawmnna semna inkhawm hi Cooperative Society Registrar, Pu Bhupesh Chaudhary-a’n a kaihruai a, Cooperation Secretary, Pu Lalhmingthanga leh National Cooperative Development Corporation Regional Director, Pu MP Sugunan pawhin thu an sawi a ni. Hnathawk \ha chawimawina dawngtu Champhai Town Multipurpose Cooperative Society hi kum 1994-ah din niin, a tirah chuan sapthei an ching a phawt a, kum 2012-ah Primary Agricultural Credit Society a zawm a, tunah hian Society Bank an enkawl bakah Higher Secondary School, Variety Store leh Vavu Dil Project-te an kalpui mek a ni. Nitin chawhrualin Society Bank-ah hian pawisa Rs. 2,10,000/- lut ziah ang a ni a, mi 380 hnenah loan Rs.7,23,43,280/- an pe tawh a ni. Vavu Dil Project hnuaiah zirna tihmasawn turin Nursery a\anga College thleng zirna hawn an tum a, hetah hian zirna tluangtlam pangngai bakah Agriculture, Horticulture, Veterinary leh Sports lam zir theihnate hawn an tum a ni.
