Lawngtlai-a middle school headmaster ten zirna tihhmasawn dan tur sawiho

0
451
views

Lai Autonomous District Council-a Executive Member, Middle School changtu, Pu Laltlawmlova hovin nimin khan Lawngtlaia BRC Hall-ah Middle School Headmaster-ten zirna tihhmasawn dan tur an sawiho. Zirtirtute fuihna thusawiin, Pu Laltlawmlova chuan zirna leh school tihhmasawnna tura thil pawimawh hmasa ber chu Headmaster-ten inthununna, discipline tha taka an kenkawh hmasak phawt a ngai niin a sawi a, school building tha tawk lo leh school bungraw mamawh lama harsatna an tawh mek sutkian nan sorkar laipuiah sum dil mek niin a sawi. EM chuan Headmaster-te chu an enkawl School theuh tha taka siam tum turin a fuih a, mi rethei leh harsa zawk, school thaa an fate dah ve phak loten an school chu innghahna tlaka an ngaih theih nan an mawhphurhna hre renga, tha taka hlen chhuah tum turin Headmaster te chu a chah bawk a ni. He thutkhawmnaah hian hian Lawngtlai atanga kumina MBBS zir tura inziak tling, C. Vanlalrengrochanpui chu EM hian lawmpui nan Laptop a pe a, Secondary leh Elementary level-a Mizorama school fai lawmman pakhatna dawngtu, Govt. HS Bualpui ‘Ng’ leh Govt. Bualpui ‘Ng’ Middle School te pawh lawmpuina thuziak a pe a ni.