Champhai District-a Khuangthing khaw mipuite chuan vawiin khan hnatlangin Zawlsei nen an inkar kawng an sam fai. Hnatlangah hian mi 250 vel an thawk chhuak a, an sam zawh theih loh avangin an hmabak chu kar leh lamah an sam chhunzawm dawn a ni. Hnatlangte thingpui in nan hian Health Minister, Pu Lal Thanzara’n Rs.6,000/- a pe a, an ei leh in tur hi VC-in an tum a ni. Ningani kal ta zana ruah nasa taka sur khan Khuangthing khaw rama Tlawva lui kama leilet engemawzata buh leh thlai tuilianin a hrut chhiatsak nia thu dawn a ni bawk.
