Lawngtlai a\anga Myanmar ram pawh tur kawngpui sial mek-a ram neitu intelkhawm, Lawngtlai District Land Owners Association hian Contractor, RDS Private Limited leh Atlanta ARSS Infrastructure Limited te chu hnathawk thei lova dan an tum a, an pawl President, Pu H. Remmawia hova member te \hukhawm chuan kum 2010 a\anga kawngpui sial \an tawh chu zawhfel \ep a ni tawh chunga zangnadawmna pek an la ni lo chu an hrethiam theih loh thu an sawi.
Hetihlai hian Lawngtlai District Magistrate chuan buaina chhuak palh thei ven nan Kaladan Multi Modal Transit Transport Project kawngah mi panga aia tam punkhawm a khap nghal a. Ram neituten hnathawktute chawlhtir an tum chungchangah hian Central YLA chuan thuchhuah siamin Lawngtlai District Land Owners Association te thiltih tum chu an thlawp loh thu an sawi ve thung.
