Nimin khan heng mite hian Ministry of Road Transport & Highway-a Additional Secretary, Financial Advisor ni bawk, Pu Sambhu Singh a pisaah a hmu a, Mizoram chhunga highway siamna tur sum dilna chi hrang hrang chinfel loha an office-a la awm chungchang a sawipui a, Additional Secretary chuan a hnuaia Chief Engineer te phone nghalin Mizoram chhunga highway siamna tur DPR leh thil dang pending awmte enfel thuaia hnathawhna tur sum pawh sanction thuai turin an hriattir a ni. Heng zingah hian Hnahthial khaw chhunga National Highway 54 kawng chhuat bal laia thirlei dawhna tur sum dilna pawh a tel a ni. Chief Engineer Highway chuan Durtlang leh Sihphir inkar kawng laihzauhna tur sum mamawh pawh a dil nghal a, Ministry of Road Transport & Highway-a Additional Secretary, chuan sum mamawh pek chhuah thuai a nih theih nan tun thla chhunga concept paper Ministry-ah thehlut turin Mizoram sorkar chu a ngen a ni. Chief Minister leh amah zuitute hian Additional Secretary, Pu Sambhu Singh an hmuhna chhan hi Road Transport & Highway Minister, Pu Nitin Gadkari leh Secretary awm loh vang a ni.
