Lawngtlai District-a Burdukbanga-ah chil puah bomb rap puak

0
602
views

Lawngtlai District-a Burdukbanga khaw mi, Jitua Tongchongya, kum 26 mi chuan nimin khan a ram kalnaah chil puah bomb phum ruk a rap puak palh a, bomb puak hian a ke vei lamah ke phah bawr, kheimit hnuai chin zawng a thlawh darh vek ni hiala thu dawn a ni a, a ngal ding lam a hliam bawk. Lawngtlaia kan Corr. sawi danin Burdukbanga khua hi Lawngtlai District-a chhim tawp, Myanmar ramri depa awm a ni a, Jitua Tonchangya hian a \hianpa, Morokto Tongchangya nen chawhmeh an zawng a, an haw dawn lamah hmunphiah k>k turin an thawk chhuak leh a, hetah hian Jitua Tongchangya hian chilpuah bomb, landmine a rap palh ta a, tukin khan Lawngtlai District Hospital thlenpui a ni a, amah enkawltu, Dr. Vanlalremsiama chuan tunah hi chuan thih hlauhthawnawm a nih loh thu sawiin, Lunglei District Hospital-a enkawl atan vawiin chawhnu khan a thawn a ni. Burdukbanga khua hi Myanmar ramri a\anga km 5 vela hla, India ram chhunga awm a ni a, helai hmun velah hian Myanmar sipaite leh hel pawlte an inbeih deuh reng avangin bomb hi Arakan hel pawl kam nge, Myanmar sipaite kam tih a hriat loh niin Burdukbanga khaw mite chuan an sawi a ni.