Lawngtlai District Bawrhsap hlui, Dr. Arun T. sawn chhuah dana lungawilohna entirnan Lai Student’s Association huaihawtin vawiin khan Lawngtlaiah kawng zawh a ni. Kawngzawhtute hian Chawngte peng a\anga \anin Lai Autonomous District Council Pisa tual thleng an zawh a, Chief Minister, Pu Lal Thanhawla, AH&Vety Minister, Pu C. Ngunlianchunga, Pu H. Zothangliana MLA leh LADC CEM, Pu T. Zakunga te bang rawh se tiin an aurual a, thuziakte pawh an keng a, Bawrhsap sawn chhuah tak, Dr. Arun T. chu Lawngtlaia dahlet tura sorkar an phut thu an tarlang bawk a ni. Kawngzawh hruaitu Lai Student’s Association hruaitute hian CEM, Pu T. Zakunga emaw, a aiawhtu emaw hmuh an tum a, amaherawhchu, LADC hotute hi an Pisaa an awm loh avangin an hmu thei lo a ni.
