Serchhip khawpui leh a chheh vela Vawk natna, PRRS leh Classical Swine Fever leng vanga Vawk thi leh damlo chu vawiin khan Sorkar laipui leh State mithiamten an endik

0
464
views

Tun hnaia Serchhip khawpui leh a chheh vela Vawk natna, PRRS leh Classical Swine Fever leng vanga Vawk thi leh damlo chu vawiin khan Sorkar laipui leh State mithiamten an endik a. Hetah hian Bhopal-a National Institute of High Security Animal Diseas-a Principal Scientist, Dr. Raju Kumar leh Asst. Commissioner, Dr. HR Khanna bakah Ah & Vety Deopartment-a Diseas Investigation Wing hotu, Dr. Robert Rualthankhuam, Dr. Esther Lalzoliani leh Dr. Neihthangpuii’n Serchhip khawpui chhung hmun hrang hrang fangkualin, vawk damlote chu Laboratory lama zirchian turin an thisen an laksak a, Serchhip mai ni lo Mizoram hmun hrang hranga vawk hri leng vanga harsatna thleng thei tih kian dan tur an zirchiang dawn a ni. Sercchipa AH & Vety Department hnathawkte chuan tun hnai khan an District chhunga vawk damlo thisen endik tur 53 la khawmin, Laboratory-a an enfiahna a\angin vawk 31 chu PRRS natna vei an nih bakah a dang 11 chu Classical Swine Fever hrik pai an ni tih hmuhchhuah a ni. Serchhip a\anga thudawn danin, tun hnaia Serchhip khawpui leh a chheh vela vawk hri leng vang hian vawk note 142 leh a puitling 101 a vaiin vawk 243 a thi tawh a. Kum 2016-a PRRS leng vak khan Serchip District-ah vawk 510 a thi tawh bawk.