Leimin leh Leitawlh vangin Serchhip ah pawh chenna in rauhsan an pung zel a, nizan leh vawiin lamah Serchhip Saron Venga chhungkaw pasarih te an inthiar chhuak ve leh. Nizan dar 10:30 bawr vel khan Serchhip Dinthar venga Pu Lalduhawma in sak lai chu a tlu sawp a, a bula Pu F Sawithanga in assam type pawh tlu mai thei dinhmunah a ding bawk.

Serchhip Saron Venga leimin hian a bul kawrte a hnawhpin avangin a thlang National Highway lama awm Pu Kaptluanga te in, Concrete building chhawng 4 ah tuihawk nasa takin a lut a, vawiin lam khan an bungrua thiarchhuah a ni. Serchhip Darnam Vengah pawh chenna in pakhat rauhsan a ni a, Tuikhuah Vengah pawh lei che lehin a thlang lama National Highway 54 a hnawhping \hin a, kawngping hi JCB in a khat tawkin thianfai \hin mahse a chhaklam atanga leitawlhin a rawn hnawh leh zel thin avangin khual zin phur leh lirthei veivak te chu Chhim Veng lamah hel tir an ni

Serchhip Saron Veng leh Tuikhuah Venga leimin tuarte hi bialtu MLA Pu Lalduhoma’n tlawhin chhiatna an tawrh dan a enpui a ni. Serchhip bawrhsap office leh District Disaster Management & Rehabilitation lamte, Police leh dept dang hotute pawhin a \ul angin hma an la nghal a ni.