Hmun hima sawnchhuah te hi Tlabunga chhungkaw 150 vel, Tuikukkai, Tiperighat khuaa chhungkaw 130 vel leh Lamthai, Tablabagh-a Chhungkaw 80 vel an ni a, Tlabung leh Lungsen inkarah electric ban tam tak a tlu a, hrui tam tak a chah bawk avangin darkar 37 chhung power supply an nei thei tawh lo a ni.
Tlabung leh Lunglei inkar kawng pawh a ping mek a, tlabung a\anga Sihphirtlang km 30 velah leiminin kawngpui hmun 98 velah a hnawh phui a ni. Power supply a chhiat avangin inbiakpawhna pawh a mumal lo hle a, Airtel, Jio leh BSNL-ten diesel generator hmangin khawl an tinung a, YMA ten mobile signal a \hat theihnan hna an thawhpui bawk a ni.
Kum 2017 leh 2018 ah te pawh Khawthlang tuipui lian lian vang hian Tlabung leh a chhehvel hian an lo tuar hle tawh a, chumi nena khaikhinin kumin tui lian hi a muang deuh a, nikum fur tuilianin a chim chin aiin feet 5 velin a la chim hniam zawk a ni.
