Live Update|March 28|Covid-19 chungchang thu thar lakkhawm

0
1790
views

He Live Blog hi tihtawp a ni tawh a, March ni 29 live blog en duh tan;
https://www.zonet.in/march-29-liveblog/


11:30 PM
Aizawl: State sorkarin COVID-19 Control Room a siam a, COVID-19 kaihhnawih harsatna (medical thil ni lo) tan Phone number – 0389-2335842, 0389-2335837, 9366331931 leh email : mzdmr.covid@gmail.com ah te hian biak pawh theih reng an ni

11:30 PM
Sorkar laipuiin Pradhan Mantri Garid Kalyan Package hnuaia COVID-19 beihnaa chhawr doctor, nurse leh health care thawktu dangte tana insurance scheme a buatsaih chu H&FW lamin a siam sak dawn ta – Mi pakhat tan insurance cover cheng nuai 50 tiam a ni a, hei hi ni 90 chhung atan a ni

11:05 PM
Punjab-a COVID-19 kai awm zawng zawng 38 zinga 27 te chu Sikh biakina an kalnaa an puithiam pakhat atanga kai an nih thu thuneituten an sawi, Sikh puithiam hi Germany leh Italy-ah tunhnai khan a zin tih hriat chhuah a ni tawh a, tun thla ni 18 khan a thi a ni. Thuneitute chuan amah atanga kaichhawng mi 27 te hi chhuizui zel an nih thu leh tun dinhmunah chuan khaw 15 tlawh pawh theih loha an kharkhip tawh thu an sawi bawk a ni

11:02 PM
Italy: Coronavirus vanga thi zatin 10,000 a pel

10:30 PM
National Pharmaceutical Pricing Authority (NPPA)-in State leh UT hrang hrangin hnenah hmaituamna, kutkawr leh sanitizer an mamawh dan leh an indaih loh dan a chhui zui a, mamawh leh tlakchham nei an awm a nih chuan a rang thei ang bera inhriattir tur leh hmanrua-te hi a siam chhuak thei te hming, awmna leh biakpawh theihna tur Chief Secretary-te hnenah a pe vek bawk a ni

10:17 PM
Rampumah vawiin khan COVID-19 case thar 179 chhinchhiah a ni a, hei hi ni khata chhinchhiah a la tam ber ṭum a ni

9:38 PM
CISF sipai pakhat COVID-19 vei hmuhchhuah a ni a, hei hi Paramilitary Force zinga report hmasa ber a ni, damlo hi Mumbai airport-a duty thin a ni a, ni eng emaw zat chu Mumbai damdawiinah enkawl a lo ni tawh tih CISF chuan a sawi

9:20 PM
Rampuma coronavirus vei hmuhchhuah mi 854 an awm tawh a, thi 19 an awm tawh bawk. Coronavirus hi India-ah chuan January ni 30 khan Kerala-ah hmuh hmasak ber a ni a, tun dinhmunah Maharashtra chu tuar nasa ber niin, positive case 180 an nei tawh a ni

9:53 PM
West Bengal-a Balarampur khaw mi 7-te Chennai atanga zin hawte chu an chenna inah pindan hrang an neih loh avangin thingkungah riahna siamin an duhthlannain an inkhunghrang (self quarantine)

8:55 PM
PM Narendra Modi-a’n lockdown chhunga khua leh tui harsatna tawkte tanpuina atan PM-CARES Fund a hawng a, he fund-ah hian bollywood lemchan thiam Akshay Kumar chuan cheng vbc 25 a pe nghal a ni

8:35 PM
Myanmar hmun hrang hrangah inkharkhip uar chhoh ve zel a ni a, Yangon khawpuia ei tur zawrhna hmun tam zawk chu inkhar tura hriattir an ni a, Mandalay-ah pawh bazar hmunpui 41 chu khar a ni tawh bawk a ni

8:34 PM
Maharashtra-ah coronavirus case 28 chhinchhiah belh a ni a, state chhinchhiah zat chu 181 a ni

8:30 PM
Wuhan-ah mitthi ruang hâl tawh vâp dahna bel thahnem tak ni hnih chhung lirthei lian chia thiar a ni tawh a, hei vang hian mi thenkhat chuan China sorkar-in Wuhan-a coronavirus vanga thi zat dik tak a zêp niin an ngai a, China media hnar pakhat, Caixin chuan China sorkar hian coronavirus vanga thi, test tak loh vanga chhinchhiahnaa telh tak lo thahnem tak a awm niin a sawi

8:15 PM
Deputy Chief Minister Pu Tawnluia’n a bial Tuichang chhunga khaw hrang hranga sem darh turin vvawiin khan Khawzawlah buhfai, alu, purunsen, tel, chini leh bawnghnute a thawn am Khawzawl Hospital-a hnathawkte hman atan cheng 30,000 a pe bawk

8:00 PM
Europe khawmualpuia COVID-19 vanga thi zatin 20,000 a pêl

7:53 PM
Maharashtra sorkarin coronavirus enkawlna state health care scheme-ah a telh

7:33 PM
Aizawl Bishop Most Reverend Stephen Rotluanga chuan vawiin khan Catholic Kohhran hmingin CM Relief Fund-ah cheng 1,00,000 a pe a, hei bakah hian Ramthar Veng Task Force-te hman atan cheng 10,000 a pe bawk

7:31 PM
Vawiin tlai khan Sairang Task Force-te chuan an huam chhunga hnam dang tangkhang mek, ei tur nei tawh lo thenkhat

7:12 Union Finance Minister Nirmala Sitharaman chuan MPLAD fund atangin cheng vbc 1

7:03 PM
Uttar Pradesh-in lung-in 71-a tâng mi 11,000 a chhuah lailawk

7:00 PM
JNU-a thawk zirtirtu leh hna dang thawk zawng zawngin an ni khat hlawh PM Relief Fund-ah an chhung dawn

6:30 PM
Rampumah darkar 24 chhungin case thar 185 chhinchhiah a ni a, a vaiin case awm tawh zawng zawng hi 918 a ni a, heng zinga case 819 chu la enzui mek an ni a, 80 damdawiin atanga chhuah an ni tawh a, mi 19 an thi tawh a ni

6:12 PM
Maharashtra-ah COVID-19 vei damlo mi 6 an thi a, an zinga 4 hi Mumbai khawpui ami an ni

5:39 PM
Mizoram: COVID-19 dinhmun – endik tawh zawng zawng 61085 a ni a, mahni ina inkhunghrang (home quarantine) 198 an awm tawh a, inkhunghrang chhunzawm tura hriattir 2449 an awm tawh a, damdawiina khunghran 4 an awm tawh a, COVID-19 test sample 40 thawn a ni tawh a, heng zingah hian pakhat chauh a la positive a ni

5:46 PM
Air India-in ramchhung hmun hrang hrangah bungrua leh mamawh dang a phur dawn

5:37 PM
Bangladesh-ah darkar 24 chhungin case thar chhinchhiah a awm lo a, COVID-19 kai hi mi 48 an awm tawh a, heng zinga 15 chu damdawiin atangin chhuah tir an ni leh tawh a ni

5:31 PM
Bollywood lemchan thiam Akshay Kumar chuan chhawmdawlna atana hman tur, cheng vbc 25 sorkar-ah a pek tur thu a sawi

4:56 PM
Samthang: Lockdown neih vanga buh deng theilo te tan Pu PC Lalruatkima’n a thlawnin buh a den sak a, chhungkaw 66 tan emping 116 den a ni

4:55 PM
Hrangturzo: Bialtu MLA Home Minister Pu Lalchamliana’n COVID-19 beih letna kal mekah khaw 16-a Village Task Force-te hnenah MLA fund atangin Cheng 3,85,000 a pe

4:54 PM
Ran Vultute Thian chuan lockdown laia ran damlo emaw, ran vulh leh thlai chin chungchanga tualchhung mithiamte râwn duh tan a thlawna biak theihna 1800-102-3141 an siam

4:49 PM
Siaha: MADC-a eptu pawl hruaitu, MNF Member Pu Lalmalsawma Zasai chuan Local Task Force-te hman tur hmaikhuhna leh kutkawr thahnem tak a pe a, Siaha Police hnenah cheng 5000 a hlan bawk

4:51 PM
Delhi: Damdawiin pan thei si lo, Doctor mamawh te tan râl atanga Doctor-te an râwn theihna tur ruahman a ni

4:40 PM
Mizoram: Mipuiten ei tur thlai an tlakchham lohna tur leh huan neituten an thlai tharte suma an chan tir theih dan tur ruahmanna CM Pu Zoramthanga hova lo ruahman tawh chu Horticulture Department, Commerce & Industries, Mizofed leh Local Task Force-te’n an kalpui tan

4:33 PM
Mizoram Bar Association-in Ch Saprawnga Truck Terminal-a Truck Driver tangkhang-te chhawmdawlna atan anmahni ei tur lo pe thintu, Rangvamual Local Task Force hnenah cheng 20,000 a pe

4:39 PM
Govt Champhai College-in Hand Sanitzer litre 500 leh Disinfectant (hrik thahna hlo) litre 40 an siam a, hengte hi ATM leh YMA Duty-na hrang hrangah semchhuah nghal a ni

4:00 PM
Khatla-ah ram pawn atanga lo haw mi pakhat ina inkhunghrang sa chu COVID-19 natna lan chhuah dan a nei nia hriat a nih avangin ZMC-ah lak phei a ni (DIPR)

3:45 PM
ZMC-a COVID-19 patient enkawl lai dinhmun a ngai rih a, a nupui leh faten damdawiin an chhuahsan

3:43 PM
Silchar Medical College-ah thisen test tur sample 12 thawn belh a ni

3:33 PM
Siaha: Mimal, pawl leh kohhran hrang hrangin DLTF-ah tanpuina sum an chhunglut

3:45 PM
P&E Department-in kawlphetha renchem thiam turin mipui chah, kawlphetha heh chi khawl (oven, geyser, etc) hmang tlem turin ngen

3:45 PM
Power and Electricty Department-in fimkhur thei ang berin hna an thawk reng dawn tih leh mipuite thlamuang taka awm turin a chah a, Electric avanga harsatna neite chuan SLDC control room Ph: 0389 2322174 hriattir turin an chah bawk. Bill counter khar chhunzawm a la ni a, online-a bill pekna pawh tihtawp lailawk a ni a, hun ralmuan veleh bill hi a hlawma pek mai turin ruahmanna an siam

3:12 PM
Mizoram Bar Association-in CM Relief Fund-ah cheng 1,00,000 a pe

3:11 PM
Mohun Bagan football club-in West Bengal CM Relief Fund-ah cheng nuai 20 a pe

2:59 PM
Vadodara-ah chhan nei lova pawn chhuak mi 13 thubuai siam sak an ni

2:52 PM
US-in India rama an khua leh tui tangkhang mekte thlawhnain a hruai haw dawn

2:47 PM
Chennai hmun lunlai-ah drone hmangin hrik thahna hlo kah a ni

2:46 PM
MHA-in SDRF fund atangin chenna in nei lo leh hnathawk hawna neilo te tanpuina sum state sorkarte’n an lak pen phalna a chhuah

2:25 PM
Uttar Pradesh-in inhlawhfa hawna nei lo te tan bus 1000 a ruahman

2:21 PM
Aizawl hmun hrang hrangah Supply chungchanga a tul thuta hma la thei turin Nodal Officer ruat an ni

2:21 PM
Supply phurtute leh kudam-a thawkte tan glove leh mask 1000 ve ve leh hand sanitizer litre 100 Health Minister-in a pe

2:21 PM
Supply phurtute tan kut silna leh intihfaina hmun siam zel a ni a, an ei leh in tur sorkarin a ngaihtuah sak bawk

2:21 PM
AAY, PHH leh Registered Building and Other Construction Workers te hnenah a thlawnin April thla ration buhfai pek a ni ang a, heng member ni lo LLTF leh VLTF te chhinchhiah pawh a thlawnin ration pek an ni ang, hemi atan hian Supply Minister chuan MLA bial tinah quintal 5 a ruahman

2:21 PM
Rualkhai taka nitin mamawh sem a nih theih nan District Administration leh District Level Task Force (DLTF) ten ruahmanna an siam ang

2:21 PM
Lockdown chhungin nitin mamawh, a bikin buhfai kham khawp tur sorkar-in a la lut zel tih a sawi a, FCS&CA chuan mipui mamawh lakluh leh awmze neia pekchhuah dan tur ruahmanna a siam

2:20 PM
Germany-a COVID-19 vei zat chu 48852 a ni tawh

2:13 PM
Uttar Pradesh-ah sorkarin tun thla inluah man la rih lo turin in neitute a ngen

2:12 PM
Panama vaukama cruise ship pakhatah COVID-19 vangin mi 4 an thi

2:12 PM
FCI Aizawl atanga thudawn danin Mizoram hmun hrang hranga FCI kudama buhfai awm zawng zawng chu metric ton 14597.355238 a ni

2:12 PM
Mi ṭhnahnem ngaiten COVID-19 beihletna atana hman atan Health Minister hnenah sum an thawhkhawm – Mizoram College Teachers’ Association (MCTA)- Rs. 1,50,000/- | BCM Zotlang Pastor Bial- Rs 20,000/- | Mizoram Cooperative Apex Bank, Employees Union- Rs.2, 00,000/- | Mizoram University Teachers Association- Rs.1, 00,000/- | Mizoram Rural Bank- Rs.7, 22, 217/- | Mizoram Baptist Kohhran, General Headquarters, Lunglei- Rs.3, 00, 000/- | Mizoram Baptist Kohhran Hmeichhe Pawl, Headquarters, Lunglei- Rs.50, 000/- |TBC Car Rentals, Upper Khatla, Aizawl – Rs.50,000/-

2:02 PM
Republic Veng Branch YMA-in anmahni hnuaia inluah pasarih April thla luah man an la dawn lo

1:27 PM
Mahni state niloa inhlawhfaa eizawng leh zirlai tangkhang mekte ei leh in ruahman tur leh a tul dan apianga tanpui turin State sorkar zawng zawng ngen an ni

1:16 PM
Assam Bhawlaguri Bodi Bazaar-ah dawr khar tura police-te’n an tih avangin buaina a chhuak a, tualchhung mi thenkhatin police-te hi tharuma an beih avangin mi 4 man an ni a, thubuai siam sak nghal an ni

1:05 PM
Biate: Tuichawia eizawngten a thlawnin public point siamsaah tui an sem a, YMA-in an pui bawk

1:05 PM
Biate: Mipuiin lockdown an zawm ṭha hle a, mikhual ṭhenkhat khaw paltlang ngaite dan an ni lo a, ram lam hnathawk leh in sa lai mi thenkhat hnathawh ngaite phal sak an ni a, khuaah luh belh phal a ni tawh lo a, lut duh an awm chuan Quarantine-ah dah phawt tur an ni

12:53 PM
Surat khawpuiah COVID-19 kai rinhlelh 6 damdawiinah dah luh an ni a, an vai hian zinchhuahna la nei ngai lo vek an ni

12:24 PM
Kerala-ah COVID-19 vanga thi hmasa ber chhinchhiah a ni a, tun thla ni 22-a Dubai atanga lo haw, Kalamassery Medical College-a enkawl pa pakhat a thi

12:23 PM
Coronavirus darh ṭanna Hubei-ah lockdown thlahdul a nih avangin, khua chhuahsan tum mipui an ṭhahnem hle a, hmun hrang hrangah buaina a chhuak nasa a, tharum thawhna a thleng nasa hle

12:19 PM
Rampumah Coronavirus case 873 chhinchhiah a ni tawh a, thi 19 an awm tawh: Union Health Minitry

12:19 PM
Delhi Deputy CM Manish Sisodia chuan Ghazipur-a hnathawktu pungkhawmte a tlawh a, an awmna ngaia awm rih tur leh an chuanna tur bus ngaihtuah a nih tur thu a hrilh

12:18 PM
Nimin tlai dar 6 thleng khan Vairengte Supply Checkgate-ah nitin mamawh phur truck lo thleng a awm nual a, Mizofed buhfai trip 1, Mimal chawk luh buhfai bag 810, purun, dal, artui, tel, chi, tomato, alu, maida leh atta te an lo phur a ni

12:18 PM
Vairengte IOC Depot-ah oil phur truck 3 a lo thleng a, Borkhola Assam atangin LPG phur truck 1 a lo thleng bawk

12:16 PM
Miss Chapchar Kût 2020 Zonunmawii, Zemabawk chuan a lawmman dawn atangin cheng 10000 CM Relief Fund-ah a pe a, Local Task Force hnenah cheng 5000 a pe bawk

12:12 PM
Gujarat-ah Switzerland atanga tun thla ni 17-a lo haw mi pakhat chu quarantine bawhchhia tih hriat a nih avangin thubuai siam sak a ni a, health department te kutah tihluihnaa khunghran turin hlan a ni

11:53 AM
Arunachal Pradesh: Mizo COVID-19 patient ruala thlawhnaa chuang ve Arunachali hmeichhe pahnih chu test-ah an negative

11:48 AM
Myanmar-ah COVID-19 confirmed case 8 a awm tawh, heng zinga 7 chu ram dang atanga put luh a ni

11:28 AM
Thenzawl: Lockdown zâwm lo mi 13 police kutah VLTF-in a hlan, case siam sak lovin zilhhau a inkhunghran pawimawhna zirtir an ni

11:16 AM
Italy: Khawvela hmun hulum ber te zing ami ni ṭhin, St Peter’s Square ruak leh reh takah, Pope Francis-a’n ṭawngṭaina a hlan a, coronavirus hri leng mek chu khawdur nasa tak, mihringte derthawnzia leh ṭanpuitu ngai tak an ni tih tarlangtu a ni a ti

11:06 AM
Andhra Pradesh leh Karnataka sorkar-in hnathawktu awmna nei lote ṭanpui turin an thawk dun

10:56 AM
Serchhip District Level Task Force-te’n Serchhip khawpui hmun hrang hrangan natna hrik thahna hlo an kâp, hand railing leh vantlang hmunhma leh chawhmeh zawrhna te an kâp, Chhiahtlang atanga Sailam kawn thleng kah an tum

10:45 AM
Haryana sorkar-in district hrang hrang enkawl turin Minister leh MP-te a ruat

10:44 AM
Delhi aṭanga haw tum, hnathawk ṭhahnem tak chu Police-ten an lo dan avangin Ghazipur-ah pungkhawm an tam tawh hle, puan tawh angin heng mite hi Uttar Pradesh-a anmahni khaw lam pan tum te an ni a, lockdown a nih avangin Delhi aṭang hian kein an kal a ni

9:00 AM
March ni 18-a state pawn atanga lo haw, Thenzawl mi pakaht chuan quarantine inkaihhruaina a zawm that loh avangin nimin khan Village Level Task Force (VLTF) leh Police-te’n sorkar Quarantine Facility-ah an khung hrang (forced quarantine)