Assembly rorel inkhawmah Thorang bialtu MLA Pu Zodintluanga zawhna changin Pu Rintea hian, Panchayati Raj chungchang zirchiangtu tur drafting committee din a nih thu leh Panchayati Raj hmanna state te an zirchian thu a sawi a, concept paper pawh an peih fel tawh tih sawiin Panchayati Raj chungchangah hian Political party tin leh NGO aiawhte nen inrawnkhawmna neih a lo ni tawh tih a sawi a, drafting committee rawtna chu Cabinet in vawikhat an lo en ho tawh a, tun atan chuan a ngai anga kal rih phawt tha an tih thu an sawi a, VC inthlan zawh hnu lamah uluk zawka en that leh nise tia thu dah a ni a ti. Pu Rintea chuan, tuna VC dan hman laiah siam \hat ngai tam tak a awm thu a sawi a, thingtlang inrelbawlna leh sorkarna tha tichak a, thuneihna tam zawk pek tum an ni a ti. Zawhbelhna chhangin Pu Rintea chuan, dan lova khaw din a\anga nawr chhuahte enkawl dan tur ruahmanna sorkarin a nei lo tih a sawi a, dan lova khaw dintute ah hian ram dang mi an awm em? tih Chief Secretary kaihhruaiin enfiah a nih thu a sawi a ni.
