Neihloh khua hi Thenzawl Sub Division huamchhunga awm a ni a, hetianga district thuneituten mipuite dinhmun hre chiang tura an kal chilhna hi ‘GO TO THE PEOPLE – Mipui hnenah kal rawh’ tia vuah a ni a, Neihloh VCP Pu Hmingthanmawia kaihhruaiin Thenzawl SDO(Civil) Pu Kulothungan A, Serchhip District Agriculture Officer, Pu C. Lalnithanga leh Department hrang hrang aiawhten thu an sawi a, Thenzawl leh Serchhip a\angin sorkar department 10 aiawhten, mipuite harsatna tawh leh an mamawh te an zawt a ni.
Thenzawl SDO Civil Office chuan Certificate hrang hrang 172 a sem chhuak nghal a, chung zingah chuan Tribal Certificate 76, Income Certificate 54, Residential Certificate 42 te a tel a ni. Hei bakah hian DRDA, BDO Office Serchhip a\angin Aadhaar Card siam thar leh dik lo siam\hat ngai te siam \hatsak an ni a, Thenzawl Community Health Centre leh Integrated Ayush Hospital ten mipui a duh apiang tan a thlawna inentirna an buatsaih bawk a ni.
