Lunglei-ah ZPM inkawmkhawmna buatsaih

0
516
views

Nizan khan Lunglei khawpui chhunga veng hrang hrangah Lunglei Dist. ZPM-in ZPM Gen. Hqrs hruaitute nena inkawmhona an buatsaih a, Lunglei Venglai-a inkawmkhawmna an buatsaihah chu Pu Lalliansawta, Pu K. Sapdanga leh hruaitu dangten an hmanpui a. Pu K. Sapdanga chuan thu sawiin, Mizoram hi India rama cancer vei tam ber, Aids vei tam ber pahnih zinga pakhat zawk, thawh chhuah nei tlem ber state a nih b^kah nau piang hlim thi (hlamzuih) an pung zel a, India rama ziak leh chhiar thiam tamna ber ni \hin kha pali-na a ni ta chauh bawk a, Mizoram hian enkawltu a nei ta lo em ni tih mai awl tak a ni ta a ni, a ti a, enkawl leh hruaitu, sorkar nei chung reng hian Mizoram hi a dam lo a, a chhe zawng leh a hniam zawng zelin a kal ta a, hei vang hian sorkar \ha, mipui sorkar, kalphung thar din an tum ta niin a sawi.

Lunglei Chanmari-ah chuan Pu Lalduhoma hovin inkawm khawmna neih a ni a, zawhna leh chhanna hun hman niin, Pu Lalduhoma chuan nakkum Assembly inthlanah Tangrual Pawl ZPM-in thuneihna a chan chuan Lunglei tana an thil tih tur thil 12 a puang a. Lungleiah Airport siam theih a ni tak tak em tih zir chian a ni ang a, a lo theih loh chuan ATR service tum a nih tur thu a sawi. Lunglei College pahnih pawh Pachhunga University College dinhmun ang, Constituent college-ah dah a nih tur thu a sawi bawk. Pu PL Liandinga pawhin Lunglei Bazar venga inkhawm khawmnaah thu sawiin, zawhna te a chhang bawk a ni.