Lunglei District-a Telephone Company hrang hrang, BSNL, Airtel, Reliance Jio, Vodafone leh Idea Cellular ten \ha zawka mipuite rawng an bawl theih dan tur sawiho

0
468
views

Lunglei District-a Telephone Company hrang hrang, BSNL, Airtel, Reliance Jio, Vodafone leh Idea Cellular ten \ha zawka mipuite rawng an bawl theih dan tur vawiin khan Lunglei District Level Telecom Committee in an sawi ho.

Lunglei Bawrhsap, Dr. Ankita Chakravarty kaihhruai meeting-ah hian BSNL, Airtel, Reliance Jio, Vodafone leh Idea Cellular Manager te an tel a, sorkar lam a\angin Additional DC, Pu Benjamin Lalzama, Power & Electricity Deptt. SE, H. Zoliana leh officer dangte an tel a ni. Bawrhsap chuan khawvel changkang chho zelah inbiakpawhna leh midangte hnena thu hlan chhawnna chu thil pawimawh a ni tih sawiin, Mobile Phone network leh internet chak zawk mipuiten an neih theih nan a pe chhuaktute chu chak zawka hma la turin a ngen a, khawtlang lama Tlabung leh Bunghmun area te, thingtlang kilkhawr zawk te pawh ngai pawimawh tura hrilhin, a \ulna a piangah \anpui a inhuam thu a hrilh bawk. He inkhawmah hian BSNL chuan Power & Electricity Department Optical Fibre cable hmangin tun thla a\ang hian Lunglei District chhungah Broadband leh Mobile Internet chak zawk pek chhuah an tum tih an sawi a, company dangte pawhin an dinhmun sawiin, mobile phone tower bun turin harsatna an tawh \hin thu te, \anpuina an mamawh \hin thu te an sawi a ni.