Kum 2018-23 chhunga Mizoram Cooperative Apexs Bank Ltd. Board of Directors thlan thar mi 6-te chu vawiin khan rinawmna thutiam tira lakluh an ni

0
220
views

Kum 2018-23 chhunga Mizoram Cooperative Apexs Bank Ltd. Board of Directors thlan thar mi 6-te chu vawiin khan rinawmna thutiam tira lakluh an ni. Hemi puala inkhawm Aizawl Babutlanga Cooperatives Societies Registrar Pisa-a neihah RCS, Pu F. Lalthianghlima’n rinawmna thu a tiam tir a, chungte chu Chairman, Pi T. Lalmuanpuii, Aizawl Dinthar veng, Vice chairman Pu R. Rodingliana Lunglei leh Board of Directors a tan Pi Hani Shyly, Siaha, Pu Rolura Sailo Champhai, Pu T. Sanghluna ITI veng leh Pu R. Lalngaihawma Serchhip an ni a. An mahni lakluhnaah hian Mizoram sorkar aiawhin RCS, Pu F. Lalthianghlima’n hruaipuina lehkha a ziak a, RBI leh NABARD aiawhin General Manager-ten hriatpui bawk.

Mizorama State Level Cooperative Federation danga Board Member-te chu a hranpaa thutiam lak a ngaih loh laiin Apex Bank bik chu Reserved Bank of India khuahkhirhna hnuaia awm Vaidyanathan Committee Recomendation anga kalpui a nih avangin Chairman leh Board member ten mawhphurhna an lak dawnin rinawmna thu an tiam a ngai a. An thutiamah hian Apex Bank Chairman leh Board member-te chuan Bank thuruk leh dante zawm turin an tiam a ni.