Lunglei District-a Zobawkah MSU Sub Hqrs. huaihawtin ‘Hnam Chhan’ Ni hman a ni

0
346
views

Lunglei District-a Zobawkah pawh MSU Sub Hqrs. huaihawtin P. Hrangkhuma Hall-ah Hnam Chhan Ni hi hman a ni a, YMA Lunglei Sub Hqrs. President, Pu R. Lalnunthara chuan, Mizo hnam chhan turin hnam dang leh state dang miten tan an la dawn lova, hnam chhannaa inhmang tur chu Mizote an ni tih sawiin, Mizoramah mahni hmasial avanga Mizo hnam tihchhiat hnial lo an awm tawh niin a sawi a, sumdawnna lamah Mizo hnam chhan a ngai a, zirlaiten ruihhlo tel lova lehkha an zir a, hnam an chhan a ngai niin a sawi bawk. He inkhawma zirtirtu aiawha thusawitu, ZD Lalthangliana pawhin Mizo hnam chhan nan inpumkhatna leh zirna ngaih pawimawh a tul thu a sawi a ni.

He ni-ah hian Lungleiah pawh tukin atanga vawiin tlai thleng khan vai dawrte chu a inkhar a, heng zingah hian Lungleia nitin khawsakna mamawh zawrhna dawr lian ber, Police Canteen pawh a tel a ni. Kan Corr. sawi danin, vai pawn chhuak erawh chu an tlem chuang lova, Lungleiah hian vai dawr 20 chuang a awm a, in sakna bungrua leh ni tin khawsakna mamawh, ei chawp thil zuarte an ni.