Lunglei District Bawrhsap, Pi Ankita Chakravarty i’n zan khat riakin Tlabung a tlawh

0
341
views

Lunglei District Bawrhsap, Pi Ankita Chakravarty i’n zan khat riakin nimin khan Tlabung a tlawh a, amah lawmna Tlabung Tourist Lodge-a neihah khawtlang hruaituten an mamawh a hnena an thlen te a ngaithla a, chung zingah chuan kawlphetha an hmuh mumal theih loh chungchang te, Health Deptt. hnuaia hnathawktu awm mumal lote, tui in tur chungchanga harsatna an tawh te a tel a ni. Bawrhsap hi khawtlang hruaitute chuan Lunglei DC zinga an khaw tlawhtu awmchhun a nih avangin a \hutna tura siam \hutthleng cheimawi, puancheia khuh chungah zah taka \huttirin an zâwn a ni. Bawrhsap hian Tlabung SDO Civil office-ah khawtlang hruaitute a kawm a, ramri hung a nih avanga mipuiten an ram buh leh thlai chinna an hloh tak chungchangte leh a kaihhnawih thil dangte an sawiho a ni.