Lunglei khawpui cheimawi dan tur ngaihtuahin vawiin khan Lunglei Town Beautification Committee an thukhawm.

0
248
views

He Committee meeting hi Lunglei Bawrhsap Dr. Ankita Chakravarty-in a kaihruai a ni. An thil ngaihtuah zingah chuan Lunglei khawpui fai zawk leh thianghlim zawka enkawl dan tur te, kawngpui sir vela electric hrui, TV leh telephone hrui inzam hnawk tam lutuk thenfai dan tur leh hman \angkai tawh loh hlihthlak dan tur chungchangte an rel a, an hmalakna chu khawpui laili lai Venglaiah \an ni se an ti a, hemi rual hian hmun remchang lai apiangah thing leh pangpar phuna, lungrem tihfai leh rawng hnawih te leh PHE tui semna pipe enfiaha, siam\hat ngaite siam\hat dan tur chungchangte an sawi tel a, an hmalakna tum dan chu chanchinbu, TV leh Social Media-ah te tarlan ni se an ti a ni. He meeting-ah hian Mizoram sorkar hnuaia Deptt. hrang hrang bakah BSNL leh tlawmngai pawl hrang hrang YMA, MHIP leh MUP aiawhte an tel a ni.