He inkhawmah hian Education Secretary chuan zirna chu District hnufual dinhmun telhna pawimawh tak a ni tih sawiin zirna lama thawkte chu an hna \hahnemngai leh inpezo taka thawk turin a chah a ni.
Aspirational District- ah hian Zirna in te’n inthiarna leh tuithianghlim intur an neih theih dan ngaihtuah a nia, he hmalakna hi Sorkar School, SSA leh RMSA hnuaia School-ahte ngawrh taka bawhzui tum a ni. He meetingah hian Sorkar laipui a\angin State Coordinator for Aspirational District, Dr Saraju Devi pawh a tela, inkhawm neih hnu hian Mamit khawpui chhung Zirna in hrang hrang parukte a enfiah nghal a ni. He meetingah hian Mamit Bawrhsap, Pu Bhupesh Chaudhary chuan Aspirational District a hmalakna leh harsatna te hre tura Mamit a mi pawimawh zinte chungah lawmthu a sawia, he inkhawmah hian Mamit District Project Coordinator, Pu Lalsailova chuan a lem nena entirin Mamit Aspirational District zirna lama ti hmasawn tura hmalakna leh hmachhawpte a sawifiah a ni.
He Meeting-ah hian Mamit District khaw \henkhat, Silsury, Bazirung, Nalzawl,Darlak, Thinghlun, Luimawi, Kanhmun, Bawngva, New Eden leh Tumpanglui khuaa naupang School kal tawhlote School kal tir lehna tura \an hma lak dan tarlan a ni.
