Mi thenkhat intiam rual leh mi dang tana inphal-te huaihawtin vawiin khan Lunglei-a Mizofed pisa kawtah Bawngsa ruai buatsaih a ni. Lunglei atanga thu dawn danin, Bawngsa ruai, a thlawna ei tur hi khaw chhe hnuaiah buatsaih a ni a, ruai ei hmaa inkhawm tawi te buatsaihah Dr. Lalramzauva chuan, a duh apiangin a thlawna an ei atana Bawngsa ruai an buatsaih chhan chu India rama BJP sorkar hnuaia sakhaw zalenna nek chep mek a nih vang niin a sawi a, sakhaw pakhat thil serh, sakhaw dang betute barh luih tum zawnga thil tih chu an duh lohzia leh, an dodalzia chu a lang a pauva lantir zel an tum thu a sawi a ni. He inkhawm hi an Chairman, Pu R. Lalnunthara’n a kaihruai a, ani hi Lunglei Sub-Hqrs YMA President a ni.
