Lunglei Town Road Protection Squad thukhawm

0
424
views

Lunglei Town Road Protection Squad chu an Chairman, Dist. Bawrhsap, Pi Lalzarmawii hovin vawiin khan DC Conference Hall-ah an thukhawm a, kawng enkawl leh humhalh kawnga hnathawktu Department hrang hrang aiawhte, YMA hruaitute leh Veng hrang hrang VCP-te an tel a ni. Bawrhsap chuan Lunglei khawpui kawng chu nek chep lutuk a la nih loh avangin tha taka humhalh theih nia sawiin, humhalh tura tan la turin Lunglei Town Road Protection Squad chu a fuih a ni. PWD Lunglei Road Division Executive Engineer, Pu Lalchhuana chuan kawng black-top chin chauh ni lo, kawng sira tuihawk luankawrte pawh kawng humhimna atan enkawl that a tul thu leh, mipuite pawhin an ngaih pawimawh a tul thu te, kawng kama in saten vantlang kawng an nèk loh a tul thu te, kawng tichep zawnga tuizem siam leh Vawk in sak loh tur a ni tihte sawiin, tuihawk luan kawr tha lo chu lei timintu leh kawng tichhetu a nih avangin enkawl that a tul thu a sawi bawk. He thutkhawmnaah hian Lunglei khawpui chhung veng hrang hranga V/C-te pawhin an veng theuha harsatna an tawhte an sawi a, hengte hi tun thla ni 18, kar leh Zirtawpni-ah a hmuna kala enfiah tum a ni.