Lungleia ZPM Southern Hqrs. hruaitu hlanna chu vawiin khan Lunglei Convention Center-a neih a ni

0
332
views

Lungleia ZPM Southern Hqrs. hruaitu hlanna chu vawiin khan Lunglei Convention Center-a neih a ni a. Hruaitu tharte hlantu, ZPM puipate zinga mi, Rev. K. Thanzauva chuan, ram hruaitu lo ni tawhten Mizoram an kaihhruai dan chu a him tawk loh avangin Mizo hnam an tizeng mek a, hnam leh sakhua lungphum a nghing \an a, zu zawrh a nih rualin zu in mi an pung zel a, hei hian mipat hmeichhiatna a ti hluar zel a, chu chuan natna hlauhawm tak a ti pung zel niin a sawi. Rev. K. Thanzauva chuan, ram hruaitute chu hmasawnna ngaihsak loah puhin, zirna an enkawl dan pawh a manganthlak niin a sawi a, Education Dept. chuan insiam\hat mai ni lovin, inthlakthleng a mamawh tawh zawk niin a sawi.

He inkhawm hi ZPM Southern Hqrs Chairman, Pu Lalrinzuala Minister hluiin a kaihhruai a, ZPM zawm tharte lawmluttu MPC President, Pu Lalhmangaiha Sailo chuan, Mizoramin Sem policy a chhiatpui hle nia sawiin, kumtin sum \hahnem tak sem ral ni si, ramin a \hatpuina leh hlawkpuina sawi tur awm chuang si lo chu a lungchhiatthlak hle a ni, a ti a. Mizoram mamawh ber chu Sawrkar \ha a ni a, chumi duh chuan mipuite pawh an tui hal tawh a, chutiang taka Sorkar \ha din tur chuan Tangrual Pawl in thuneihna an chan a ngai niin a sawi.