Horticulture Department-in kuthnathawktute thlai thar hralhchhuahna tura Horti fair, 2018 a buatsaih chu vawiin khan khar a ni a. Hemi puala inkhawm tawi Assembly Anexee Building-a neih hmanpuitu, Pu K. Lalrinthanga MLA chuan, Mizorama kuthnathaktute thlai thar chu ala tam tawk loh thu leh hmun danga hralh chhuah tham ala nih loh avangin a hralhna tur buatsaih sak an ni chu kuthnathawktute tan \angkai a tih thu a sawi a. Ram dangah chuan kuthnathawktu hlawhtling tak tak, mahnia zirbingna nei a, hlawk zawka thlai thar theih dan zir an awm \hin a, Mizoramah chuan chutiang tithei chu an la tam loh avangin hlawk zawka thlai thar a nih theihna kawngah kuthnathawktute chu an in\anpui tawn a pawimawh a ni, a ti. Pu K Lalrinthanga chuan, Sorkar-in thlai thar tam a ngaihpawimawh ang bawkin thlai thar chhuahte a hralhna tur hmun phurh thlen a nih theih nan inkalpawhna siam chu a ngaipawimawh a, hemi atan hian theihtawp chhuaha \anlak mek a nih thu a sawi bawk. Horti fair, 2018 kharna inkhawm hi an department Director, Dr. Elizabeth Saipari’n a kaihruai a, kuthnathawktute thlai thar chu chhe mai thei a nih avangin a venhim kawngah \anlak a ngai a, chutiang tur chuan Department-in theihtawp a chhuah mek tih a sawi.
He inkhawmah hian Horticulture Division zinga dawr \ha ber hnenah lawmman pek a ni a, Jt. Director, Pu Rosanglura Ralte leh Dy. Director, Pu. H. Man\hianga’n thu an sawi bawk. Kumin Horti Fair-ah hian dawr 187 hawn a ni a, vawiin thleng khan cheng 30,50,000 hmuh tawh niin, naktuk chawhma thleng dawr-te hi hawn a ni dawn a ni.
