Lungleia ZPM Southern Hqrs. sawm angin MZP Southern Hqrs. Lunglei President, Lalrammuanawma’n nimin Lunglei ZPM Pisa-a chhung inkhawmah thu a sawi a. Lalrammuanawma chuan, ZPM chu thuneihna an chang a nih chuan zirna siam\hat kawngah \anlak tura chahin, result \ha leh mark hmuh san satliah ringawt ni lovin zirlaiten chhawr tlak thiamna tak tak an neih theih nan a bul\hut a\anga \anlak a ngai tih hre turin a chah a, tuna zirna kalpui mek dan chu a \ha lo tihna ni lovin, thlen chin a\anga hmasawn tura \anlak thar a \ul tih a sawi. Rorel kalphung pawh siam danglam ngai a awm nual nia sawiin, Lalrammuanawma chuan thuneihna sem zai chu ram hmasawnna bul \hut a ni tih a sawi a. Ram inrelbawlna chu tunlai hmasawnna ruala ke pen tura tihdanglam a hun tawh a ni, a ti. MZP Southern Hqrs. President chuan, ramri chungchangah a taka hmalak a \ul nia sawiin, hei chu tun hnaia Zophaia thil thleng chungchang leh Tlabung leh Chawngtea thil awmdan a\angin a chiang hle niin a sawi a, a taka hmalak a nih vat loh chuan Mizoram huam chin chu hnam dangin an luah \hen \ueh ang tih a hlauhawm hle tih a sawi. He inkhawm hi ZPM puipate zinga mi Pu Lalnuntluanga’n a kaihruai a ni.
