Mizoram Pradesh Congress Committee-in an inremna tihhlawhtlin ngiata chaw nghei mek MURA member-te chu an chawnghei titawp tawh turin a ngen a. MURA nena an inremna chu kum 10 dawn a nih tak thu leh an inremna ang hian MURA member-te tan an Party chuan thil tam tak a lo tihhlawhtlin sak tawh nia sawiin, tun hnaiah sorkar tan pawha tihhlawhtlin theih loh nia lang phut nana chaw an ngei chu MPCC chuan pawi a ti a, an member mi 3,000 hnena insak \anpuina cheng nuai 20 \heuh pek leh MURA member leh an tu leh fate mi 200 tan sorkar hna 4th Grade a\anga LDC thleng siam sak tura an phut chu sorkar tawn pawh thil tih harsa a nih avangin Sorkar leh MPCC party-in khawngaih leh duat taka a chhawmdawlna leh puihnaahte lawm tak pawm a, an chawnghei titawp tura ngenin, chaw hi an nghei chhunzawm zel a nih chuan an thawhhona chu anmahni MURA chuan an titawp taah MPCC chuan a ngai dawn niin an sawi a ni.
Hetihlai hian MURA chuan, an inremna anga MPCC-in thil tihhlawhtlin sak tawh anga a tarlan chu a dik famkim lo hle niin an sawi a. MURA hian an member mi 3,000 tan a hranpain insakna tur cheng nuai 20 an phut lova, an member inhmun neite tan chauh a nih a nih thu leh Chief Minister-in alo tiam tawh angin a thara an inbiakna leh hun an nghak mek tih an sawi.
