Mamit-a tlawmngai pawl leh political party hrang hrang tangrualin Mamit DC Pu Bhupesh Chaudhary sawn chhuah phutin vawiin khan kawng an zawh.

0
283
views

Mizorama tlawmngai pawl intelkhawm NGO Coordination Committee pawhin Mamit DC hi a rang thei ang bera Mizoram chhuahsan tura an phut thu an sawi bawk.

Vawina Mamit khawpuia Pu Bhupesh Chaudhary sawn chhuah phuta kawngzawh hi chhun dar 12-ah Charkawn atanga \an a ni a, DC Office thleng mipuite hi ke in an kal a ni. Kawngzawhah hian Sub Hqs YMA Vice President Pu K.Lalthanzama’n a kaihruai a, Jt. VC leh Political party aiawhte bakah zirlaipawl aiawhten thu an sawi a, kawngzawhtute chuan Pu Bhupesh Chaudhary chu Mizo hmusittu nia an hriat thu te, Election Document pawimawh pawh venghim zo lo nia an ngaih thu te an aurualpui a ni.

Kawngzawh tawpna-a thusawitu Central YMA President Pu Vanlalruata chuan Tripura-a awm mek Bru te an awmna hmuna kal chilha electoral roll ennawn sak chu an remtih loh thu an sawi chungin Mamit DC chuan official te a tih luih tir a ni a ti a, Tlawmngai pawl leh political party te thutlukna zahlotu chu Mizorama a awm reng a rem lo a ni a ti.

Kawngzawhtute hian Mamit DC thil tih dan an duh loh thu resolution an pass a, Mizoram sorkar leh ALL NGO, Mizoram te duhdan kalha Tripura a awm Tuikuk te Electoral Roll-a a ruk a rala thun luih a tum hi kan duh lo tih te, Mizoram MLA General Election lo awm turah Mizoram pawnah Tuikuk ten engtikawng mahin vote an thlak kan remti lo tih te, Mizo mipuite leh tlawmngai pawlte hmusit leh diriam taka \awngkhuma, man atana vau \hintu DC hi kan duh lo tih te, Pu Bhupesh Chaudhury kaihhruaina hnuaiah MLA Election thianghlim leh felfai a awm theih kan ringlo tih te leh Pu Bhupesh Chaudhury hi Sorkar in September ni 10 hma ngeiin Mamit a\angin sawn chhuak rawh se’ tih te a ni.

Hetihlai hian Mizorama tlawmngai pawl hrang hrang intelkhawm, NGO Coordination Committee nimina \hukhawm chuan Election kaihhnawih reng reng, Bru te hruaikir hna zawhfel hma a Tripura Transit Camp-a neih rih loh ni se tia an lo rel tawh leh ngenna a lo siam tawh chu Mamit DC chuan a palzut lui a ni an ti a, zoram mipuite aiawh NGO Co-Ordination Committee thuchhuak zahlohnaah an ngaih thu sawiin, a mawhphurtu Mamit DC Bhupesh Chaudhary chu a rang thei ang bera Mizoram chhuahsan nghal tura an phut thu an sawi a, an lungawi loh thu hi nimin vek khan Chief Minister Pu Lal Thanhawla hnenah ziakin an thlen nghal a ni.