Mamit Bawrhsap Dr. Lalrozama’n Tripura leh Assam lam atanga Mizoram luhka Kanhmun khua tlawhin mipui nitin mamawh dahkhawlna hmun tur leh enkawl zui dan tur district thuneitute nen an enho.

0
8
views

Mamit SP, Sub Hqrs. YMA hruaitute, Taitesena Group YMA, Langkaih Group YMA, Hachhek Jt. VC Association bakah Kanhmun khawtlang hruaitute nen hmalak dan tur an enho a. Covid-19 hrileng mek avanga mipui kharkhipna thupek kalpui mekah mipui te’n ei leh barah harsatna an tawh lohna turin Kanhmun kaltlanga him taka bungrua chawk luh theih dan tur an enho a ni. Taitesena Group leh Langkaih group YMA leh Kanhmun khawtlang duhdanin bungruate ni 3 chhung Kanhmunah hian dah lailawk zel a ni ang a, a tul dan azirin damdawi hmanga phuh thianghlim thin a ni ang.