Mamit biala Congress Candidate, Pu John Rotluangliana’n vawiin khan he bial chhunga Nalzawl khua a tlawh a, Vantlang inkhawmah thusawiin, Mizoramin hma a sawn zel theih nan Party dangah beisei tur a awm lo niin a sawi.

0
405
views

Pu John Rotluangliana chuan, MNF Party ten thuneihna an chang chuan ram dang mi dan lova Mizorama awmte man chhuah nan National Registrar of Citizen (NRC) hman an tum nia sawiin, hetah hian kum 1950 hma lama lehkhapawimawh mumal nei lote chu hnawl an tum niin a sawi a. MNF leh BJP chu an thawh ho avangin party hrang an ni lova, he ram tan hian an hlauhawm a ni, a ti. Pu John Rotluangliana chuan, Congress sorkar hmalakna hrang hrang tarlangin, health care scheme hnuaiah damlote tan cheng nuai 5 thleng bill theih tura ruahhman a ni, a ti a, sorkar tharah phei chuan education system thar hman a ni dawn a, high school chinah science leh maths tel loa pass theih dan tur siam tur niin, pawl 10 leh 12 pass zawng zawng te tan Laptop sem a nih tur thu a sawi a, college zirlai te tan excursion an kal theihna tur budget-ah dah a n dawn niin a sawi bawk.