Mizoram pumah an Party hmasawnna hmuh theihin a awm a, hei hian Congress Party-in sorkar-na an chang chhunzawm dawn a ni tih a tichiang hle niin Pu PC Laltlansanga chuan a sawi a, tun hnaia Congress MLA zinga an Party chhuahsante chu an party a\anga Ticket an chan loh vang a ni deuh vek niin a sawi a, heng mite hian Ticket chang se chu party a\anga chhuak lo tur an ni hlawm tih sawiin, MPCC Vice President leh MLA \henkhat chhuak hian an party a tichhe lova, an party \anrual tirtu a ni zawk niin a sawi.
Pu PC Laltlansanga chuan, MNF-in SEDP a nuai 3 an sem tur thu an sawi \hin chu SEDP lehkhabuah tarlan a ni lo nia sawiin, SEDP atan sum sem tur hi MNF President Pu Zoramthanga chuan Central a\anga dil a nih tur thu a sawi laiin, SEDP Core Committee Chairman, Dr. R. Lalthangliana chuan State Budget a\anga sem tur a nih thu leh Budget a\anga cheng vaibelchhe 1,000 vel dah a nih tur thu a sawi thung nia sawiin, an hotute sawi dan inan loh a\angin mipuiten rin tur ber an hre lo niin a sawi a. Mipui harsa zawkte khaichhuahna tura Congress Party-in NLUP a sem chu chhunzawm zel a nih dawn puah lamah Sorkar hnathawk hlawh a san zel avangin NLUP atana sum sem pawh tihpun ve zel tum a ni a, hei hi Congress Manifesto-ah pawh chiang taka tarlan a nih thu a sawi.
Aizawl West I biala Congress Official Candidate, Pu PC Laltlansanga hian vawiin khan he biala Returning Officer, Pu John LT Sanga hnenah he inthlan chuh tura lehkha pawimawhte a thehlut a ni.
