Mamit District-a West Phaileng leh Tuipuibari inkar kawngpui chu BRTF ten Bialtu MLA Pu John Rotluangliana mimal sum hmangin an siamtha dawn

0
228
views

Mamit District-a West Phaileng leh Tuipuibari inkar kawngpui chu BRTF ten Bialtu MLA Pu John Rotluangliana mimal sum hmangin an siam\ha dawn. Transport Minister nibawk Pu John Rotluangliana hian he kawng siam dan tur hi vawiin khan BRTF hotute a sawipui a, kawngpui siam\hatna tur sum hi BRTF lamin a neih mai loh avangin Pu John Rotluangliana sum hmangin BRTF-in a siam\ha dawn a ni. Ruahman dan chuan helai kawngpui hi a zavaia siam tur ni lovin, kawng khuar zual lai chu lung leh Alkatra hmanga hnawh tur a ni a, hemi atana senso zawng zawng chu Transport Minister, Pu John Rotluangliana’n a tum vek dawn a. BRTF lam hian a siamtu tur Labour 10 leh hnathawk viltu JE a tir ang a. Hnathawhna hmanrua Road Roller leh JCB bakah thil \ul dangte a tum thung dawn a ni. Vawiina Transport Minister-in helai kawngpui siam\hat dan tur a sawipuite hi BRTF SE (Director Works) Pu Manav Prashad leh West Phaileng leh Tuipuibari inkar kawngpui viltu, Pu Javir Singh an ni a, BRTF hotute chuan kawng hi siam\hat a nih theih nan theihtawp an chhuah tur thu Minister chu an hrilh a ni. Zonet thudawn danin, BRTF hian Buichali a\anga Lenglui Airport peng thleng siam\ha turin naktip, nilaini hian Tender a chhuah dawn a, hei hi tihfel a nih veleh hna \an nghal a ni dawn a ni.