BJP Mizoram, ZPM leh PRISM hruaitu ten NLUP dawngtu tur thlan chungchanga Congress sorkar laka an lungawilohna Prime Minister Narendra Modi leh Larsap Nirbhay Sharma hnenah ziakin an thlen

0
554
views

Vawiin khan Eptu party pathum BJP Mizoram, ZPM leh PRISM hruaitu ten NLUP dawngtu tur thlan chungchanga Congress sorkar laka an lungawilohna Prime Minister Narendra Modi leh Larsap Nirbhay Sharma hnenah ziakin an thlen.

Party pathumte hian thuchhuah in\awm siamin, Congress sorkar MLA 34 te hnena NLUP Implementing Board Chairman-in lehkha pea an bial \heuha NLUP dawngtu tur thlang tura a ti chu NLUP Manual Chapter IV -a kalh leh, kumin kum tawp MLA inthlan thlir rana Congress Party insawhngheh tumna a ni an ti a. NLUP sum chu Congress Party sum ni loin Mizoram sorkar sum a nih avangin hetianga Congress sorkarin party insawhngheh nana hman a tum hi a dik lo a ni an ti a, Congress sorkar thil tih dan chu mipui huap lo, mipui sorkar ni lo, party bil sorkar a nihzia pholanna a ni an ti a, sorkar thil tih dan chu Prime Minister leh Governor hnenah ziakin an thlen tih an sawi a, Hei bakah hian Union Finance Minister, NITI Aayog Chairman, DONER Minister te leh Sorkar laipuia aw nei thama ngaihte hnenah pawh an thlen tih an sawi. Eptu party pathumte chuan sem policy chu mi rethei dawmkanna ni loin, mi rethei siam punna zawka an ngaih avangin an duh loh thu an sawi a. sum leh pai hmanga mipui vote lei tumna eng pawh dodal zel an tum thu sawiin, mipui te pawh dik lo taka ram lei tumte laka inthiairfilhim turin an ngen tih an sawi.