Mamit MZP-in transfer duh loh entir

0
1144
views

Mamit-a SSA District Project Co-ordinator Pu Micky R. Lalenkawla Transfer a nih duh loh entir nan Mamit-a MZP member te chuan vawiin khan lungawi lohna SSA Office tualah an entir a, hetah hian District Project Co-ordinator Transfer Order copy an hal a ni. Mamit MZP President Lalropuia chuan Mamit SSA District Project Co-ordinator Micky R. Lalenkawla chu July ni 31 khan sorkarin Lungleia awm turin a sawn niin a sawi a, a hmun ruakah hian midang dah nghal mai lovin Kanghmun Govt. Middle School zirtirtu Pu Liansailova chu Dy. Mamit SSA District Project Co-ordinator-ah dah niin a sawi a, DPC puitling dah lova charge la tur chauh dah a ni chu an hriatthiam loh thu an sawi a ni. DPC puitling dah turin sorkar an phut a, Pu Mickey R. Lalenkawla thlaktu tur DPC pangngai a awm hma chuan transfer order hi hmang rih loh turin sorkar an ngen niin a sawi a ni.