Tunhnai-a ruahsur nasa in Zuangtui-a 132 KV Sub-Station dinna lei a tih chet leh avangin he Sub-Station-a khawl hrang hrang leh Transformer te thlun zawmna Electric hruite chu a chhe nual a, a siam that hna hi Power & Electricy Deptt. chuan vawiin tlai dar 5 thleng khan an thawk a ni, hemi chhung hian 132 KV Sub-Station atang a Kawlphetha pek chhuah zawng zawng tih tawp a ni. Power & Electricity Deptt. hotute chuan he Sub-Station dinna lei hi a chet belh zel chuan harsatna lian zawk a thleng thei dawn niin an sawi a, Zuangtui ram veka lei ngheh zawkna hmunah tunah hian 132 KV Sub-Station thar siam mek niin an sawi bawk a ni.
