Mara Autonomous District Council hnuaia Village Council 91 inthlanna naktuka neih tur atan ruahmanna engkim peihfel vek a ni. Mizoram State Election Commission a\anga thudawn danin Mara Autonomous District Council hnuaiah hian VC 92 a awm a, amaherawhchu, Phura South VC seat awm zat tih tlem avanga lungawilohna entirnan he khuaa mipuite chuan inthlanna hi an boycott-a hemi avang hian VC 91-ah inthlanna neih a ni dawn ta a, heng Polling Station zinga 9 te chu ramri depa mi ven uluk ngai zual anni. Vote nei awm zawng zawng mi 37,707 te chuan candidate awm zawng zawng 909 a\angin an khuaa roreltu tura an duh mi 416 an thlang chhuak dawn a, an zingah hian hmeichhe tana seat hauhsak chuhtu tur hmeichhe candidate 91 an tel a ni. Vote thlak hi naktuk zing dar 7:30-ah \an a, tlai dar 5-ah zawhfel a ni ang. Vote thlak zawhfel a nih veleh Returning Officer te kaihhruaiin vote tla chhiar nghal a, result pawh puan nghal a ni ang. Mipuiten tluang taka vote an thlak theih nan Mara Autonomous District Council Area-a naktuk vote thlak ni atan Mizoram sorkar chuan chawlh a puang a ni.
