Hemi chungchanga ZONET zawhna chhangin District Council & Minority Affairs Minister Pu R Lalzirliana chuan, District council pahnihah sum hman dan dik lo a awm tih Larsap hnenah Complaint theh luh chu sorkarin one man enquiry dinin Siaha bawrhsap leh Lawngtlai bawrhsap te a chhuitir tih a sawi a, an report hi tun hnai khan sorkarah an thehlut tawh a, MADC leh CADC ah hian dan palzutna a tam tih hmuh chhuah a ni a, an thil hmuh chhuahte chu Larsap hnenah thlen a ni dawn tih a sawi.
ZONET thudawn danin MADC ah hian kum 2018-a sorkar laipui atanga sum lo kal te hman dan dik tawk loh avangin ACB ah complaint theh luh a ni a, sum hman dan dik tawk loh vang te, inawpna kalpui dan fel lo leh mimal induhsakna te a tam a vangin MNF, BJP leh MPC ten Larsap hnenah complaint an theh lut a, Larsap remtih na in sorkarin a chhuichiang turin kumin June ni 19 khan one man enquiry a din ta a ni.
