Zokhawthar-ah vawiin khan IR sipai 60 vel tirh luh an ni a, Zokhawthar VC leh tlawmngai pawlten an dem thu an sawi.

0
110
views

Zokhawthar VC & All N.G.O. Co-ordination Committee invuah chuan thu chhuah siamin tunlaiin 8th Bn. Assam Rifles te hmalakna avangin Zokhawthar kaltlanga Myanmar nena insumdawn tawnna bungraw \henkhat chu tun thla ni 7 a\ang khan kalphung pangngai anga kalpui phal a ni lo tih an sawi a, Zokhawthar mipui tam zawk chu sumdawng bungraw lut leh chhuak behbawma eizawng an nih avangin nitina inhlawhfa chawpa eizawngten harsatna an tawk tih an sawi.

Zokhawthar khawtlang hruaitute chuan an harsatna chungchangah hian Assam Rifles Post Commander Maj. Mak chu \um tam tak an be tawh tih an sawi a, a thurawn angin Champhai District thuneitute pawh biak an ni a, champhai bawrhsapin naktuka sawiho tura sumdawng pawlte leh Zokhawthar VCP te a koh mek laiin vawiin khan Mizoram police leh IR sipai \hahnem tak Zokhawtharah tirh luh an ni ta mai niin an sawi.

Champhai SP leh police officer dangte bakah Khawzawl a\anga thawk chhuak IR sipai 60 ten ralthuam famkim nen Zokhawthar lut chu an ngaithiam lo tih Zokhawthar khawtlang hruaitute hian an sawi a, Zokhawthar Sipai Camp luhchhuaha buaina siam tum anga mipui puhtu an awm nia an hriat thu sawiin mipuite ti ralkhel a, Zokhawthar ti hmingchhe zawnga thu dik lo sorkar hrilhtu chu zawng chhuak tur leh a chunga hremna lek turin thuneitute an phut tih an sawi.