MIMER din tura Sanction post awm zat 629 zingah hnaruak 52 hnawh khat tawh

0
894
views

Falkawn Referral Hospital behchhana Mizoram Institute of Medical Education and Research (MIMER) din tura Sanction Post awm zat chu 629 a nih thu leh heta \ang hian hnaruak 52 hnawh khah tawh a nih thu Health Minister, Pu Lal Thanzara’n a sawi a. Assembly budget session neih zawh taka MNF member, Pu Lalruatkima zawhna a chhannaah he thu hi sawiin, Medical College din turah hian Letter of Permission-in a phut angin hnaruak 409 lak phalna pek a nih tawh thu leh chungte chu Teaching Staff 104, Admistrative Staff 33, Technical Staff 44, Ancillary Staff 54 leh Nursing Staff 174 an nih thu sawiin, kum khta hnathawktute hlawh leh thil danga senso tur chu a vaiin cheng vbch. 24 leh nuai 58 a nih thu a sawi. Pu Lal Thanzara chuan, Medical College din tur atan Admistrative leh Financial Sanction chu Chief secretary kaihhruai Single Window Clearance Committee-in nikum December ni 11 khan a pek tawh thu a sawi bawk.