Saitual Group YMA Conference vawi 22-na chu vawiin khan Buhbanah neih a ni. He Conference-a khuallian Dr. Ngurdingliana MLA chuan thusawiin mihringte hmasawn nan leh ham\hat nan sorkar leh YMA te lungrual taka thawh ho a \ul tih a sawi a, YMA member te chu taima tak leh rinawm taka hnathawk turin a fuih bawk. Dr. Ngurdingliana chuan Chalfilh biala sorkarin hmasawnna hna chi hrang hrang thawh te a tarlang bawk a ni. He Conference-a khualzahawm Saitual SDO Civil, Pu R. Vanlalsawma pawhin thusawiin Mizoten pi leh pu hunlai a\anga an ngaihsan leh an chhawm nun zel tlawmngaihna leh aia upate zahna te chu chhawm nung zela dikna leh rinawmna ngaisang turin a fuih a ni. He Conference-a thu ngaihtuah zingah chuan Saitual District a taka siam leh hnathawh tir thuai \ul an tih thu leh Mizoram ramri chinfel \ul an tih thu te a tel a, YMA khawih thu ngaihtuah zingah chuan Saitual damdawi ina hman tur generator lei dan kawng zawn \ul an tih thu te, Mizoramah kutdawh an awm loh nan \an lak dan tur te, Saitual Group YMA huam chhungah hnam dangin dawr an neih loh nan \an lak ni rawh se tih te a tel a, sorkarin zirtirtu indaih loh dan tehna a tana Pupil-teacher Ratio a hman hi thlak a nih theih nan hmalak dan tur chungchangte a tel a ni. Kum 2019 Rorel inkhawm chu Keifang Venglaiin a thleng dawn a ni. Saitual Group YMA huam chhungah hian YMA Branch 18 a awm a ni.
