Mipui nawlpuiin an awmpuite an en hniamin an dinhmun chawikan a \ul hle tih Ferrando Domestic Workers Alliance Aizawl City FDWA hotuten an sawi.
Aizawl Press Club-a chanchinbumite an kawmna ah FDWA Aizawl City Coordinator Pi Mary Lalparliani chuan, hnathawk tu hrang hrang zingah mi ina awm-a inhlawhfa ten harsatna an tawk nasa bik tih a sawi a, mi in a awm zingah a ruaituten an hnuaichhiah leh kut hial an thlak te pawh an awm tih sawiin awmpuite chu hnathawktu an nihna hmuhthiampuia an zahawmna vawn sak an \ul a ni a ti. FDWA Aizawl City Senior Adviser Dr T Vanlaltlani pawhin awmpui tur chu Agency kaltlanga rawih ve a hun tawh a ni a ti. FDWA Aizawl City hotute chuan, Domestic Worker ten harsatna an tawh a thlenna tur Universal Women Helpline siam a nih thu leh darkar 24 chhung biak pawh theih reng an nih thu an sawi.
