Mizo Academy Of Letters dincham vawi 55 na lawmna ni bawk New Capital Complex-a Economics & Statistics Conference hall-a neih hi an pawl President Prof. Laltluangliana Khiangte-in a kaihruai a, a hmanpuitu MJA President Pu Zonunsanga Khiangte chuan, ziakmite chu ram rohlu, \awng dik zirtirtu an nih bakah Mizo \awng humhalh leh chhawmnungtu an ni tih a sawi a, Mizo \awng ziak dan dik inzirtir kawngah \an lak a ngai hle a ni a ti. Pu Zonunsang Khiangte chuan, Mizoram Publication Board chu tih len \ul a tih thu sawiin 8th Schedule-a mizo \awng khung thuai \ul a tih thu a sawi bawk.
MAL President Pu Laltluangliana Khiangte pawhin thusawiin an pawl thupui ber chu thu leh hla tihchangtlun a ni tih a sawi a, an thil tum zingah Mizo \awng humhalh, tihchangtlun leh thehdarh te, Mizo thu leh hla tih hausak leh tihhmasawn te leh Mizo Culture humhalha vawn nun te chu a langsar zual a ni tih a sawi.
Chawhnulamah MAL Vice President Pu C Chhuanvawra kaihhruaiin Lehkhabu ziaktute kawm an ni a, Mizo Academy of Letters hian kum 1989 atang khan kumtin Mizotawng lehkhabu chhuak tha ber ‘Book of the Year’ thlangin lawmman an hlan \hin a ni.
