Mizo Idol Season 6-na chu ni 25 July, 2018 hian tan a ni dawn, Mizo Idol 2018 lawmman tur chu Rs. 1,50,000/- leh Scooter a ni

0
814
views

Mizo Idol Season 6-na chu ni 25 July, 2018 hian \an a ni dawn a, tel tumte tan tun thla ni 14, naktuk thleng form lak theih a ni a, form fillup te chu naktukah vek thehluh vek a ngai dawn a ni. Mizo Idol contest-a tel tum te tan form lak chhuah theihna leh thehluh theihna te chu Aizawla Zonet Office bakah Champhaia CCN, Serchhipa Lalro Digitals, Lungleia JB Cable, Lawngtlaia Skynet Cable leh KT Vision, Siaha New Skylink leh Kolasiba CZS Office-ah te a ni.

Mizo Idol 2018 lawmman tur chu
Rs. 1,50,000/- leh Scooter
a ni a, pahnihna-in Rs. 80,000/-,
pathumna-in Rs. 50,000/-,
Top 5-a tlingten Rs. 15,000/- \heuh,
Top 10-a tlingten Rs. 10,000/- \heuh an dawng dawn a ni.

Puan tawh angin Audition hi district tinah neih a ni dawn a, a tel turte hian Audition neih an duhna District an thlang thei a, Audition Round a\ang hian Zonet chuan Live-in a pe chhuak \hin dawn a ni. Audition hi a intahtawlin District khawpui hrang hrangah neih a ni ang a, Champhaiah tun thla ni 25-ah, Serchhipah ni 28-ah, Lungleiah ni 30-ah, Lawngtlaiah August ni 1-ah, Siahaah August ni 2-ah, Kolasib-ah August ni 4-ah, ni 6-ah Mamitah leh Aizawlah August ni 8-ah te neih a ni ang.