Mizo Idol Season 6-na chu zanin dar 8 atangin Champhai Cable Network Studio-ah tan a ni dawn.

0
436
views

Hetah hian Champhai District pum huapa zaithiam mi 56 an inel dawn a, hei hi Zonet chuan Zawlbuk Channel-ah live-in a pe chhuak dawn a ni. Champhai Cable Network-in Mizo Idol Audition Round zanina a \an tur hian naktuk thleng zan thleng a awh ang a, a \an zan hian mi 27 an zai ang a, naktuk zanah midang 29 an zai dawn a ni. He programme hi power supply hmuh dan a zirin Aizawl leh Mizoram hmun dangah a en theih dawn a ni. Champhaia Audition Round zawhfel hnuah hian a intahtawlin District hqrs. hrang hrangah Audition Round neih zui a ni ang a, ruahman lawk dan chuan tun thla ni 28-ah Serchhipa Lalro Digitals Studio-ah inelna hi neih leh a ni ang a, tun thla ni 30-ah Lungleia JB Cable Studio-ah, August ni 1-ah Lawngtlaia Skynet Cable leh KT Vision-ah te, August ni 2-ah Siaha New Skylink leh Kolasib-a CZS Studio-ah August ni 4-ah neih a ni ang. Hemi hnu, Aug ni 8 a\angin Aizawl District amite tan Zonet Studio-ah Audition Round neih zui a ni ang. District hrang hranga Mizo Idol Audition Round zawhfel hnu hian 2nd Round-a tel thei tur china thlante chu Aizawlah an inel tawh dawn a ni. Tun \uma Mizo Idol Contest neih turah hian a pumpuiin tel tura hming pe lut mi 585 an awm a, heng zinga 334 chu Aizawla hming pe lut an ni a, Champhaiah mi 56, Kolasib-ah mi 50, Lungleiah mi 68, Serchhipah 27, Lawngtlaiah 32 leh Siahaah 18 an ni.

Mizo Idol 2018 lawmman tura ruahman hi
Rs. 1,50,000/- leh Scooter
a ni a, pahnihna-in Rs. 80,000/-,
pathumna-in Rs. 50,000/-,
Top 5-a tlingten Rs. 15,000/- \heuh,
Top 10-a tlingten Rs. 10,000/- \heuh an dawng dawn a ni.