He \hutkhawmna Serchhip DC Conference Hall-a neih hi Bawrhsap, Pi Sangchhin Chinzah, Task Force Chairman-in a kaihruai a, nikuma UD&PA-in khawpui fai inelna a buatsaih \um khan Serchhip khawpui chuan kawng dangah Mark hmu \ha viau mah se, tuihawk luankawr mumal lo vangin tehnaah a hniam phah a, kumina hetiang inelna buatsaih leh turah he harsatna an tawh tawh loh nana tuihawk luankawr laih dan tur an rel ho a ni. Hemi bawhzui tur hian DRDA Project Director, Pu VL Remliana kaihhruai Sub Committee din a ni a, sum mamawh phuhruk nan Department tina Officer-te hnenah vehbur khawn niin, Rs. 80,000 chuang an hmu a ni. Meeting chuan tuihawk luankawr lai tur hian inrinni lo awm turah hnatlang koh ni se a ti a, hetah hian motor kawngpuiin a paltlang ve loh vengte pawh hnatlang vek tura beisei an ni a, lirthei leh JCB neite chu hnatlanga thawhchhuahpui tura beisei an ni bawk.
