Mizo Idol Season 6-na naktuk a\anga \an turah zaithiam inel tura hming pe lut te chu an vaiin 535 an ni.

0
478
views

Hetihlai hian Siaha leh Lawngtlai District-a tel tur zat erawh chu hriat theih a la ni rih lo a ni. A bul \anna tana Audition Round hi Champhaia CCN Studio-ah naktuk zanah neih a ni ang a, hei hi Zonet chuan Zoram hmun hrang hrang a\anga en theih turin live-in Zawlbuk Channel-ah zan dar 8 a\angin a pe chhuak dawn a ni. Champhaiah hian Mizo Idol Audition Round-a tel tura hming pe lut mi 56 an awm a ni. Hemi hnu tun thla ni 28-ah Serchhipa Lalro Digitals Studio-ah inelna hi neih leh a ni ang a, hei hi ZONET chuan a hun pangngaiah live-in a pe chhuak ang. Serchhipah hian Mizo Idol Contest-a tel turin mi 27-in hming an pe lut a, tun thla ni 30-ah Lungleiah JB Cable Studio-ah a hun pangngaiah neih leh a ni ang a, Lungleia inelnaa tel tur hian hming pe lut mi 68 an awm a ni. Lawngtlai District tana inelna chu August ni 1-ah Skynet Cable leh KT Vision-ah te neih a ni ang a, Siahaah chuan August ni 2-ah New Skylink-ah, Kolasib-ah chuan CZS-ah August ni 4-ah mi 50-in inelna an nei ang a, Aizawlah chuan August ni 8-ah Zonet office-ah neih a ni ang a, heta tana hming pe lut chu mi 334 an ni.

Mizo Idol 2018 lawmman tur chu
Rs. 1,50,000/- leh Scooter
a ni a, pahnihna-in Rs. 80,000/-,
pathumna-in Rs. 50,000/-,
Top 5-a tlingten Rs. 15,000/- \heuh,
Top 10-a tlingten Rs. 10,000/- \heuh an dawng dawn a ni.