Mizo mipuite thil phut leh Mizoram Assembly inthlanna neih tur atana inbuatsaihna a hmuna endik turin vawiin chawhnu khan Election Commission team mi 3-in Aizawl an lo thleng.

0
248
views

 

Heng mite hi Deputy Election Commissioner, Mizoram bialtu Pu Sudip Jain-an a hova, midangte chu Jharkhan CEO, Pu Lalbiaktluanga Khiangte leh Secretary, Pu SB Joshi te an ni a, an team zingah hian Mizoram Additional Chief Electoral Officer, Pi Lalzarmawii pawh telh a ni.

Heng mite hian vawiin chawhnu dar 4:30 khan Chief Secretary, Conference Hall-ah tlawmngai pawl hrang hrang inzawmkhawm, NGO Coordination Committee hruaitute kawmin, Tripura Camp-a awm Tuikuk te vote thlak dan tur chungchanga an thil phutte an sawipui a, Tuikukte vote thlak dan tur chungchangah hian NGO Coordination Committee te thil phut, Mizoram chhungah ngei vote an thlak tur a ni tih leh Mizoram Chief Electoral Officer Pu SB Shashank sawn chhuah te chu Election Commission hian a thuphungin a lo pawm tawh a, meetingah hian inthlanna felfai leh muanawm buatsaih theih dan turte an sawiho a ni.

Election Commission team hian Mizoram Kohhran Hruaitute Committee hruaitute leh IAS Association of Mizoram te pawh an kawm a, inthlanna neih tur atana inbuatsaihna neih dan thlirletpuiin, ruahmanna siam\hat ngai awmte an sawihova, an thutlukna kimchang nghah mek a ni. Election Commission Team hi zaninah Aizawlah an riak ang a, naktuk zingah helicopter-in Champhai an tlawh ang a, Champhai Bawrhsap, Dr. Naveen Agarwal, District Election Officer ni bawk leh Officer dangte nen inthlanna dik, felfai leh muanawm siamna tura ruahmanna te an thlirlet dawn a ni.