Tripura Camp-a awm Tuikuk ten Mizoram Electoral Roll-a inthun thar an dilna lut sangkhat vel, hearing-a an inlan loh avanga AERO ten an hnawl tawh zinga 218 te chu Kolasib DC in roll ah a lo thun fel vek tawh tih hriat chhuah a ni.

0
449
views

 

Tripura Camp-a awm Tuikuk te dan dik loa electoral roll-a thunbelh an nih lohna tura Kolasib District-a tlawmngai pawl inelkhawmte hmalak mekna chungchang hi Aizawl a\anga thawk chhuak NGO Coordination Committee hruaitu ten bawhzui puiin nimin khan Kolasib DC Dr Arun T hi an hmu a, Kolasib NGO hruaitute hnen a\anga thudawn danin Kolasib DC hian Tuikuk 218 Roll-a a lo thun tawhte chu ERO-Net ah dah vek a nih tawh avangin hnuhlet leh chu a thuneihna piah lam niin a sawi a, NGO hruaitute chuan Chief Electoral Officer ah lehkha an ziah tir nghal a ni.

Kolasib DC, District Eelection Officer nibawk Dr Arun T hian NGO hruaitute hnenah roll-a Tuikuk thun thar turte hi ERO-Net ah an la Upload lo niin a sawi a, Hnam chhan hnatlang Kolasib a neih ni ah pawh khan an la upload lo niin a sawi a, hetihlai hian October ni 27 ah daih tawh khan heng tuikuk 218 te hming hi upload vel fek a lo ni tawh tih nimin \hutkhawmnaah hian sawi chhuah a ni ta a ni.

Hetianga ERO-Net a upload lo anga a insawi laia October ni 27-ah upload vek a ni tawh tih an hriat hian NGO hruaitute hi an lungawi lo hle a, vawi tam tak ti lo tura Sub Hqrs YMA Kolasib leh MZP ten an lo ngen tawh avang leh Kawng zawh leh sitting demonstration te pawh an lo neih tawhna te anih avangin NGO hruaitute hi an lungawi lo zual a ni.

Tripura Camp a Tuikuk Electoral Roll a luh dil te hi a tirah chuan mi sangkhat vel an ni a, hearing ah an inlan loh avangin AERO ten a tirah an hnwl vek a, chumi hnuah Tuikukte hi Official ten an awmna Tripura Camp-ah kalchilhin Appeal hun siamsak an ni a, Appeal lut zang zawng 471 zinga 218 te chu roll-ah hian thunfel vek an lo ni tawh a ni.

Roll-a inthun thar dilna, appeal lut hi Ashapara a\angin mi 287, Naisingpara a\angin mi 133, Hazachera a\angin mi 44 leh Khakchangpara a\angin mi 7, an vaiin mi 471 an ni a, mi 3 te chu Mamit District mite an ni a, heng mite hi Tuirial Constituency chhunga vote nei mi 69, Serlui Constituency-a vote nei 68 leh Kolasib Constituency-a vote nei 81, te an ni. Kolasib NGO te hmalakna puibawm tura Aizawl a\anga NGO coordination committee hruaitu thawkchhuakte hi Central YMA Vice President Pu R Lalngheta’n a ho a ni.

Tripura Camp-a Bru awmte e-roll a thun thar chungchangah hian Thawhlehni zan khan kolasib-ah buaina chhuakin mipui thinrim pungkhawmin, DC office chu lungin an lo vawm tawh a, buaina chhuan zan dar 10 pelh tawh hnuah Mizoram Joint CEO Pu Zorammuana chuan Special Summary Revision 2018-a Bru Camp a\anga Electoral Roll-a in thun thar dilna form lutte chu ennawn leh vek turin Kolasib DC hi a hriattir a, a lehkhaah chuan dik lo taka lo pawm tawhte chu form 7 hmanga paih leh vek tura a hriattir bakah khawtlang hruaitute leh NGO te awm lai ngeia ennawn leh turin a hriattir a ni.