Mizo Writers Association-in an kum 40 tlin, Ruby Jubilee lawm pahin Central YMA Hall-ah vawiin khan Thu leh hla kutpui an hmang a, Art & Culture Minister, Pu R. Romawia’n hmanpuiin, Lunglawna Pu R.K. Lalhluna hnenah Mizo Literary Award 2017 a hlan a, Jubilee Souvenir a tlangzarh bawk. He inkhawmah hian ‘Vanramah Minute 90 chhung’ tih lehkhabu lettu, Pu Zothanmawia Khiangte chu Translation Book Award, 2016 hlan a nih bakah Class X, Class XII, BA leh MA-a Mizo subject a ti\hate chu Mizo Proficiency Prize hlan an ni bawk. Mizo Writers Association hi kum 1977 July ni 23 khan din a ni a, vawiina an inkhawm buatsaih hi an pawl Vice President, Pu B Lalthangliana’n a kaihruai a ni.
