Mizo Zirlai Pawl in kumin kum tir lama Bairabi Zophaia Assam Police te nen an innawr tuma an bungraw chhia te rulh letna turin vawiin atang khan Mizoram pumah thawhlawm an khawn an tan.

0
282
views

Aizawlah chuan, kulikawn lam a\anga \anin zirlai ten bawm kengin dawrah leh kawng kal mipui te hnenah an dawh kual a, tunkar chhung an khawn dawn a ni. MZP President Pu L Ramdinliana Renthlei chuan, Assam Police ten an bungrua an tih chhiat sak leh thil bo senso leh dam lo enkawlna atan zangnadawmna pe tura sorkar laipui leh Assam Sorkar an ngen chu tun thlenga chhanna an la hmuh loh avangin hmuh an inbeisei tawh lo tih a sawi a, Mizoram Sorkar hotute thawrawn angin Mizoram Home Department-ah zangnadawmna pe tura ngenna ziakin an thlen leh tih sawiin, beisei na sang tak nen an thlir laiin tun thla ni 19 khan pek theih an nih loh thu Home Dept chuan ziakin a hrilh tih a sawi. MZP President chuan ramri chungchangah nasa zawka hmalak chhunzawm an tum tih a sawi bawk.